Gwisg Ysgol

Dylai pob disgybl Blwyddyn 7 -11 wisgo:

Tei ysgol – streipen goch a nefi (maent i'w cael yn yr ysgol neu'r siopau).
Siwmper wedi ei gweu nefi blw gyda gwddw V a logo’r ysgol.
Mae’r ysgol yn hyrwyddo Look Around Sport, Brodwaith, Orchid Fashion a Little Treasures fel ein prif ddarparwyr
Blows / Crys coch plaen, gyda choler a llewys hir (neu llewys byr yn yr haf - nid crys "polo")

Mae gwisg wahanol ar gyfer disgyblion blwyddyn 12 a 13: siwmper gwddw V mewn glas tywyll gyda log y 6ed dosbarth a chrys gwyn.

Bechgyn a Merched

Trowsus – du o hyd a lled cyffredin (dim joggers na leggings/dim skinny/super skinny jeans)
Os belt, belt du plaen
(Gall merched wisgo pe dymunir sgert at y benglin nefi neu ddu)
Sanau plaen du (neu deits du i ferched pe dymunir)

Addysg Gorfforol:

Am resymau Iechyd a Diogelwch, ac i arbed trafferth a drwgdeimlad gyda cholledion ni chaniateir i ddisgyblion wisgo:

(i) tlysau ee mwclis. breichled (ag eithrio oriawr)

(ii) modrwyau

Caniateir i ddisgyblion wisgo un clustdlws “stud” yn unig ymhob clust.

Dylid gwisgo esgidiau du plaen sawdl isel sy’n addas a diogel ar gyfer diwrnod ysgol.
Ni chaniateir esgidiau platfform uchel na sodlau uchel (dim uwch na 4 cm), na thrainers, na “boots”megis “UGGS” na sandalau – nid yw eu hedrychiad yn gweddu â gweddill y wisg ysgol. Ni chaniateir gwisgo motifau na bathodynnau.
Argymhellir cotiau rhad, plaen tywyll.
Ni chaniateir gwisgo siacedi denim na ‘hoodies’ac mae angen bod yn ofalus iawn wrth ddewis côt law. Dylid osgoi'r dewis o liwiau llachar a chotiau/anoracau gyda motifau ffasiynol. Ni chaniateir gwisgo côt, sgarff na phenwisg y tu mewn i'r adeilad.
Yn ogystal â'r eitemau a restrir, disgwylir i ymddangosiad cyffredinol pob disgybl a myfyriwr fod yn dderbyniol i'r Pennaeth. Ni ddylid lliwio gwallt na’i dorri mewn steil eithafol na gwisgo colur. Ni chaniateir addurniadau yn y gwallt e.e. blodau.
Dylai’r bag ysgol fod yn addas i gario ffeiliau, llyfrau a dillad ar gyfer addysg gorfforol (neu gellir cael bag arall addas ar gyfer addysg gorfforol).
Dylai pob eiddo personol fod wedi ei farcio’n glir ag enw llawn y perchennog